Василий Левит Рио Олимпиадасының жартылай финалына шықты

Қазақстандық боксшы Василий Левит Рио Олимпиадасының жартылай финалына өтті. 91 келі салмақ дәрежесінде өнер көрсететін Левит ширекфиналда Маврикия елінің боксшысы Кеннеди Сен-Пьермен кездесіп, 3-0 есебімен айқын жеңіске жетті. Бірінші раундты отандасымыз оңай жеңді. Екінші раундты та қазақстандық былғары қолғап шебері дәл сондай қарқынмен өткізді. Соңғы үш минуттықта маврикиялық спортшы барынша алға ұмтылуға тырысқанмен, тәжірибелі отандасымызға қарсы қауқар таныта алған жоқ. Айта кетейік, Василий Левит қазақстандық боксшылардың ішінде жартылай финалға бірінші болып шығып отыр. Енді жартылай финалда отандасымыз Эрисланди Савон (Куба).Ямиль Перальта (Аргентина) – Эрисланди Савон (Куба) жұбының жеңімпазымен жұдырықтасады.