Рио-2016. Боксшы Жәнібек Әлімханұлының алғашқы кездесуі жеңіспен аяқталды

23 жастағы қазақстандық боксшы Жәнібек Әлімханұлы Олимпиада ойындарының 1/16 кезеңінде британдық Энтони Фаулерге қарсы шаршы алаңға шықты. Жекпе-жек отандасымыздың айқын жеңісімен аяқталды -3:0 (30:27, 30:26, 30:26). Айта кетсек, қазақстандық боксшы бәсекенің 1/8 кезеңінде Алжир елінің тумасы Ілияс Аббади мен конголық Мпи Анауэль жұбының жеңімпазымен кездеседі. Жәнібек Әлімханұлы мен Энтони Фаулер арасындағы кездесуді 9 тамыз күні 10:00-де «Қазақстан» телеарнасынан көре аласыздар.