Ярослава Шведова бірінші айналымда жеңіліп қалды

Бүгін Рио-де-Жанейро қаласында өтіп жатқан Олимпиада ойындарында теннис турнирі басталды. Қазақстандық Ярослава Шведова жапон қызы Дой Мисакипен шеберлік байқасты. Ойынның бірінші сетінде Шведова 6:3 есебімен жеңілді. Екінші сетте отандасымыз ойын тізгінін өз қолына алуға тырысқанымен, жапон спортшысы дес бермей 6:4 есебімен жеңіп кетті. Осылайша Ярослава Шведова Олимпиада ойындарында жекелей сында жарыс жолынан шығып қалды. Енді ол Галина Воскобоевамен бірге жұптық сында бақ сынайды.