Инчхон-2014. Азия ойындарында желкенді спорт жарысы аяқталды

Инчхонда өтіп жатқан Азия ойындарында желкенді спорт жарыстары мәресіне жетті. Қазақстандық Карина Жаңғазова «Лазер Радиал» жарыс түрінде 8-ші орын алды. Ал, қытайлық Доншуан Чжан Азия ойындарының чемпионы атанды. Ерлер арасында «Лазер» категориясында Руслан Жаңғазов 12 спортшының арасынан 8-ші орынға ие болды. Жарыста Оңтүстік Корея өкілі Джи Мин Ха жеңіске жетті. Ал желкенді спорттың «Хоби» түрінде Ғалымжан Дәрігүл мен Ануар Қалдықожаев 6-шы орын иеленді. Азия ойындарының алтын медальдарын кореялық Кеунсу Ким мен Минджае Сонг жұбы ұтып алды.