Инчхон-2014. Қазақстан қоржынына төртінші күміс жүлдені дзюдошылар салды

Дзюдодан Қазақстанның ерлер құрамасы Оңтүстік Кореяның Инчхон қаласында өтіп жатқан Азия ойындарында күміс медальді иеленді. Финалда қазақстандық дзюдошылар жарыс қожайындары Оңтүстік Корея құрамасымен кездесті. 66 келіде Азамат Мұқанов финалдық жекпе-жекті жеңіспен бастады. Алайда, қалған қазақстандық дзюдошылар жеңіске жете алмады. Қорытынды есеп – 1:4. Айта кетейік, бұл - Қазақстан қоржынына түскен төртінші күміс жүлде.