Инчхон-2014. Қазақстандық ватерполшылар Гонконг құрамасын жеңді

Инчхонда өтіп жатқан Жазғы Азия ойындарында қазақстандық ватерполшылар Гонконг құрамасын ұтты. Әйелдер арасындағы Ұлттық құрама қарсыластарынан 25:1 (8:0, 5:0, 7:1, 5:0) есебімен басым түсті. Ертең Қазақстан құрамасы Өзбекстан спортшыларымен ойнайды. Өзбекстандықтар бұған дейін Сингапур құрамасын 12:4 есебімен жеңген.