Германия мен АҚШ плей-офф кезеңіне өтті

Футболдан Әлем чемпионатының топтық кезеңіндегі соңғы турда Германия құрамасы АҚШ футболшыларын 1:0 есебімен ұтты. Кездесу тағдырын шешкен жалғыз голды ойынның 55-ші минутында шабуылшы Томас Мюллер соқты. Айта кетейік, Йоахим Лев командасы 1/8 финалға өз тобынынан бірінші орынмен шықты. АҚШ құрамасы бүгінгі ойындағы жеңіліске қарамастан, G тобында екінші орынды иеленді. 1/8 финалда АҚШ футболшылары Н тобының жеңімпазымен кездеседі, ал осы топта екінші орын алған команда Германия футболшыларына қарсылас атанады. G тобы АҚШ – Германия – 0:1 (0:0). Гол: Мюллер, 55. АҚШ: Ховард, Джонсон, Гонсалес, Беслер, Бисли, Зуси (Йедлин, 84), Джоунс, Бекерман, Брэдли, Дэйвис (Бедоя, 59), Демпси. Германия: Нойер, Боатенг, Хуммельс, Мертесакер, Хеведес, Лам, Швайнштайгер (Гетце, 76), Кроос, Езил (Шюррле, 89), Подольски (Клозе, 46), Мюллер. Ескерту алғандар: Хеведес, 11. Гонсалес, 37. Бекерман, 62. Төрешілер: Ирматов, Расулов (екеуі де - Өзбекстан), Кочкаров (Қырғыз Республикасы). 26 маусым. Ресифи. «Пернамбукану» стадионы.