Иммобиленің үш голы Италияға жеңіс әкелді

Дортмундық «Боруссияның» жаңа шабуылшысы Чиро Иммобиле  футболдан Әлем чемпионаты алдында бразилиялық «Флуминенсе» клубымен өткен ойында Италия құрамасының жеңіске жетуіне көмектесті.

Волта-Редонда қаласында өткен ойын 5:3 есебімен Чезара Пранделли шәкірттерінің пайдасына шешілді. Иммобиле 30-шы, 54-ші және 55-ші минутта көзге түсіп, хет-трик авторы атанды. Тағы екі голды «Наполи» шабуылшысы Лоренцо Инсинье (22-ші және 56-шы минут) соқты. Ал «Флуминенсе» сапынан Чикиньо (28-ші минут), Карлиньос (36-шы минут) және Матеус Карвальо (62-ші минут) мергендік танытты.

Естеріңізге сала кетейік, Бразилияда футболдан Әлем чемпионаты 12 маусымда басталады. Италия құрамасы алғашқы ойынын 14 маусымда өткізеді. Қарсыласы – Англия құрамасы.