«KAZsport» футболдан Әлем чемпионатының барлық 64 ойынын көрсетеді

«KAZsport» телеарнасы әлем көз тіккен Бразилияда өтетін футболдан Әлем чемпионатының барлық 64 ойынын көрсетеді.   Оның ішінде 32 матч тікелей эфирде жүргізілсе, кейбір ойындардың қайталауын көруге де мүмкіндік бар.

Сонымен қатар, чемпионаттың ашылу және жабылу салтанатын да көрермендер тікелей эфирде тамашалай алады.

Бұл туралы бүгін Астанадағы «Қазмедиа орталығында»  футболдан Әлем чемпионатының Қазақстан аумағында көрсетілуіне қатысты өткен баспасөз мәслихатында айтылды.

Жиынға «Қазақстан» РТРК» АҚ Басқарма төрағасы Нұржан Мұхамеджанова, «КAZsport» телеарнасының директоры Диас Ахметшәріп, «Еуразия» Бірінші арнасының өкілі Юлия Осадчук, сондай-ақ, футболдан Әлем чемпионатына баратын аккредиттелген комментаторлар мен журналистер қатысты.