2014 жылғы Әлем чемпионатының добы таныстырылды

Рио-де-Жанейро қаласында 2014 жылы футболдан әлем чемпионаты жаңа добының тұсаукесер рәсімі өтті. «Brazuca» деген атауға ие болған допты бразилиялық «Флуминенсе» футбол клубының шабулшысы Фред таныстырды. Шығарушы компания бұл күні біріншіліктің ойындарын қабылдайтын Бразилияның 12 қаласында дүниеге келген сәбилерге көшірмесін сыйға тартуға уәде етті.

Доптың атауы өткен жылы халықтық дауыс беру арқылы таңдалды. Сауалнама қатысқандардың 78 пайызы дауыстарын - «Brazuca» атауына бері.

1970 жылдан бастап әлем чемпионатының доптарына жеке ат қойыла бастады. 2010 жылы Оңтүстік Африкада өткен әлем біріншілігінде футболшылар «Jabulani» добын тепкен еді.