Олимпиада жүлдегерлеріне баспана ұсынылатын болады

Олимпиада жүлдегерлеріне баспана ұсынылатын болады Олимпиада ойындарының чемпиондары мен жүлдегерлеріне баспана ұсынылатын болады. Бұл туралы бүгін Парламент Мәжілісінде «Дене шынықтыру және спорт туралы» заң жобасының таныстырылымы барысында мәлім болды. Спорт және дене шынықтыру істері агенттігінің төрағасы Ерлан Қожағапановтың айтуынша, жалпы заң жобасы спортшыларды даярлаудың заманауи талаптарын ескере отырып әзірленген. «Соның ішінде ынталандыру шараларын арттыру, олардың спорттық шеберлігін көтерумен қоса, оларды ұдайы спортқа қызығушылығына жағдай жасау мәселелері де қарастырылады. Бұл ретте Олимпиада ойындарының чемпиондары мен жүлдегерлеріне баспана ұсыну туралы арнайы бап енгізіліп отыр», - дейді агенттік басшысы Е.Қожағапанов.