Сочиде тұғырға мұз қатуына байланысты спортшылардың жаттығуы өткізілмеді

Бүгін Сочидегі «Русские горки» кешеніндегі тұғырға мұз қатып қалуына байланысты шаңғы қоссайысынан бәсекеге түсетін спортшылардың жаттығуы өткізілмеді.

Тұғырдан секіруге мүмкіндік ала алмаған спортшылар тек жолдағы сынақтық жаттығулармен шектелді.

Ертең Сочи Олимпиадасында 17:00-де шаңғы қоссайысынан командалық жарыс өтеді. Шаңғышылар жарысқа дайындықсыз қатысуға мәжбүр.

Ұйымдастырушылардың тұғырды ертеңгі жарысқа дейін қалпына келтіре алуы да екіталай. Мамандар жөндеу жұмыстарын жүргізіп жатыр.