Алексей Ни ауыр атлетикадан Олимпиадаға баруы мүмкін 14 спортшының есімін атады

Талдықорғанда Ауыр атлетика бойынша ҚР чемпионаты аяқталды. Жалпы командалық есепте ерлер арасында да, әйелдер арасында да бірінші орынды Алматы облысының спортшылары алды. Екінші орынды ШҚО өкілі иеленсе, көшбасшылар үштігін Қарағанды өңірі аяқтады. Жарыс соңында баспасөз мәслихатында ҚР құрамасының бас бапкері Алексей Ни ауыр атлетикадан Олимпиада құрамасының бастапқы құрамын жариялады: «Олимпиадалық командаға алты әйел, сегіз ер спортшы енді. Екі қосалқы спортшыны ескерсек, барлығы 14 адам. Енді осы спортшылар Олимпиадалық ойындарға дайындалатын болады», - дейді А.Ни. Айта кетейік, Олимпиадаға Қазақстан Ұлттық құрамасынан 6 ер және 4 қыз спортшы қатысады. Ерлер: Арли Чонтей (56 келі) Фархад Харки (62 келі) Нижат Рахимов (77 келі) Кирилл Павлов (77 келі) Денис Уланов (85 келі) Илья Ильин (105 келі) Александр Зайчиков (105 келі) Селимхан Әбубәкіров (+105 келі) Әйелдер: Маргарита Елисеева (48 келі) Зульфия Чиншанло (53 келі) Карина Горичева (63 келі) Майя Манеза (63 келі) Жазира Жаппарқұл (69 келі) Светлана Подобедова (75 келі)