Евгений Плющенко: Мені мұзайдынға шығуға мәжбүрледі

Олимпиаданың екі дүркін чемпионы Евгений Плющенко жекелей сынға федерация жетекшілігінің талабы бойынша қатысқанын мәлімдеді. Ресейлік мәнерлеп сырғанаушы Евгений Плющенко командалық жарыс кезінде денсаулығы сыр бергені жөнінде федерация жетекшілігіне мәлімдегенін айтты. Дегенмен оның сөзінше, спорт шенеуніктері мәнерлеп сырғанаушыны мұзайдынға шығуға мәжбүрлеген. «Федерация президентінен сұраңыздар, мән-жайды толық айтады. Мұзайдынға шығуға не үшін талпынғанымды, өзге спортшылар неге шықпағанын түсіндіріп береді», - дейді Плющенко CNN телеарнасына берген сұхбатында.