Дзюдодан Әлем чемпионатындағы командалық жарыстың жеребесі тартылды

Ертең сағат 10:00-де басталатын қыздар және ерлер арасындағы командалық жарыстың жеребесі тартылды, деп жазады confederation.kz. Ұлттық құрама командалар арасындағы бәсекемен Әлем чемпионаты өз мәресіне жетеді. Дзюдодан Қазақстанның қыздар құрамасы алғашқы кездесуінде Моңғолиямен кездеседі. Осы жұптың жеңімпазы Оңтүстік Корея - Тунис құрамаларының жеңгенімен күш сынасады. Жалпы қыздар жарысына 15 құрама қатысуда. Қазақстанның ерлер құрамасы алғашқы белдесуін австралиялық дзюдошылармен өткізеді. Егер жеңіске жетіп жатсақ, Жапония командасына қарсылас боламыз.