Басты Жаңалықтар Қазақстан жалпы есепте 25-ші орында

Қазақстан жалпы есепте 25-ші орында

15.02.2014 03:16

Бүгін қазақстандық спортшылардың ішінен жарыс жолына тау шаңғышылары шықты. Супер-комбинация сайысының екі кезеңі бойынша Игорь Закурдаев пен Мартин Хубер 26-шы және 33-ші орындарды иеленді.

15 шақырымға созылған шаңғы жарысын Алексей Полторанин 9-шы аяқтады. Николай Чеботько 33-ші, Евгений Величко 34-ші орыннан көрінді. Көк туды ұстап шыққан Ердос Ахмадиев 54-ші орында.

Фристайл-акробатика сайысында Жібек Арапбаева мен Жанбота Алдабергенова қатысты. 18 жастағы Жанбота екінші финалға дейін жетіп, жалпы есепте 6-шы орынды иеленді. Ал Жібек Арапбаева финалға өте алмады.

15 шақырымға созылған биатлоншылар жарысында қазақстандық спортшылардың ішінен Дарья Усанова жоғары нәтиже көрсетті. Ол мәреге 40-шы келсе, Галина Вишневская - 41-ші орында. Елена Хрусталева - 46-шы, Алина Райкова 65-ші келді.

Шаңғымен тұғырдан секіру бәсекесінде Марат Жапаров пен Алексей Пчелинцев іріктеуден аса алмады. Олар 46-шы және 48-ші нәтижені көрсетті.

Бүгінгі жарыс күні қазақ елі үшін «қоламен» аяқталды. Мәнерлеп сырғанаудан Денис Тен қоржынымызға алғашқы жүлдені салды. Ал Абзал рақымғалиев 22-ші орыннан көрінді.

Жүлделер жиынтығы:

1. Германия - 7 алтын, 2 күміс, 1 қола.

2. Швейцария - 5 алтын, 1 күміс, 1 қола.

3. Канада – 4 алтын, 5 күміс, 2 қола.

25. Қазақстан - 1 қола.

Бөлісу