Фристайлшы Жанбота Алдабаргенова финалға өтті

Сочи Олимпиадасында акробатикадан ақтық сынға жолдама алған 12 спортшы анықталды. Бұл тізімде қазақстандық 18 жастағы Жанбота Алдабергенова да бар. Ол екінші іріктеу кезеңінде 78,12 ұпай жинап, бесінші орында аяқтады. Айта кетейік, бірінші іріктеу кезеңінде Жанбота 74,82 ұпай жинаған еді. Ал тағы бір қазақстандық спортшы Жібек Арапбаева финалға өте алмады. Ол екінші іріктеу кезеңінде 58,87 ұпай жинап, 13-ші орыннан көрінді. Ал жалпы есепте 19-шы сатыға орналасты. Финалдық бәсеке 23:30-да басталады. Жанбота Алдабергенова жарыс жолына екінші болып шығады.