15 шақырым қашықтықта Полтораниннің жүлде алу мүмкіндігі жоғары

Сочи Олимпиадасында 15 шақырымдық шаңғышылар жарысына Ресейлік Александа Легков пен Максим Вылегжанин және норвегиялық Петтер Нортуг қатыспайтын болды, деп хабарлайды «Спорт-Экспресс». «15 шақырымдық жекелей сында Легков пен Вылегжаниннен басқа норвегиялық Нортуг те жарыс жолына шықпайтын болды. Енді басты үміткерлер - Колонья, Полторанин және Сундбю», - деп жазды «Спорт-Экспресс» сарапшысы Бутов өз твиттер парақшасында. Осы орайда, қазақстандық шаңғышы Алексей Полтораниннің бүгінгі жарыста алдыңғы қатарда болуына зор мүмкіндік туып тұр. Естеріңізге сала кетейік, жарыс бүгін, Астана уақытымен сағат 16:00-де «KAZsport» телеарнасында тікелей эфирде көрсетіледі.