Тау шаңғысынан неміс қызы топ жарды

Сочи Олимпиадасында тау шаңғысының суперкомбинация бағдарламасының «алтынын» неміс қызы Мария Хёфль-Риш жеңіп алды. Ол құлдилау түсу және слалом кезеңдері бойынша 2 минут 34,62 секундты көрсетті. Австриялық Николь Хосп (2.35,02) «күмісті», америкалық Джулия Манкусо (2.35,15) «қоланы» иеленді. Айта кетейік, Мария Хёфль-Риш Ванкувер-2010 Олимпиадасының екі дүркін жеңімпазы. Ол төрт жыл бұрын слалом және суперкомбинация бәсекесін бағындырған еді.