Сочи Олимпиадасын әлемнің 123 елі тамашалайды

22-ші Қысқы Олимпиадаға 28 күн қалды. Сочи қаласы ақ Олимпиадаға тас-түйін дайын. 4 жылда бір келетін байрақты бәсекеге 123-елдің көрермендері көзайым болады. Ол үшін 98 телекомпания тұрақты жұмыс істейді. Айталық 2010 жылы өткен Ванкувер Олимпиадасын дүниежүзінің 3 миллиард халқы көрді. Ал бұл жолы тамашалаушылар саны едәуір көп болады деген болжам бар. 10 гектар жерде арнайы медиа орталық орналасқан, онда әлемнің 12 мың журналисі қызмет атқарады. Жоспар бойынша Олимпиада мәнерлеп сырғанау, командалық турнирден бастау алып, биатлон эстафета ойындарымен аяқталады.