Сочи Олимпиадасы басталды

Сочи-2014 Қысқы Олимпиадасының іріктеу бәсекелері басталып та кетті. Тарихи сәт сноубордшылар жарысымен ашылды. Алғаш болып ерлер және әйелдер слопустайл бойынша жарыс жолына түсуде. Бұл бәсекеге қазақстандық спортшылар қатыспайды. Жерлестеріміз бүгін могулден сынға түседі. Іріктеу кезеңіне Юлия Галышева мен Дарья Рыбалова қатысады. Бұл бәсекені «KAZsport» телеарнасы 19:55-те тікелей эфирде ұсынады. Сонымен қатар, мәнерлеп сырғанаудан командалық жарыстың іріктеу кезеңі өтеді.