16 қазан. Алматы. Бокс. Әлем чемпионаты

49 келіде ел намысын қорғайтын Біржан Жақыповтың қарсыласы анықталды. Ол ресейлік - Белик Галанов. Орыс боксшысы украиналық Вадим Кудряковті еліне қайтарды. Айта кетейік, Кудряков - Украинаның жарыс жолынан шығып қалған үшінші боксшысы. Жақыпов-Галанов жекпе-жегі 19 қазанда күндізгі көрсетілімде өтеді. 69 келіде Ұлттық құрама капитаны Данияр Елеусіновтің қарсыласы - Багам аралдарының боксшысы Карл Хилд. Ол іріктеу кезеңде Льюис Бенсоннен (Шотландия) басым түсті. Елеусінов-Хилд 20 қазанда күндізгі көрсетілімде жекпе-жекке шығады. 81 келі салмақта Әділбек Ниязымбетов Вилле Хукканненмен (Финляндия) кездеседі. Ол Непал боксшысы Деепак Махаржаннан айласын асырды. Ниязымбетов-Хукканнен жекпе-жегі 20 қазанда күндізгі көрсетілімде. Ертең іріктеу кезеңнің 56 және 75 келідегі жекпе-жектері өтеді. Бұл кезеңде Қайрат Ерәлиев (56 келі) пен Жәнібек Әлімханұлы (75 келі) қарсыластары белгілі болады. Қайрат - Танжит Лалли (Канада) – Николаэ Андрейана (Румыния) жұбының жеңімпазымен кездеседі. Ал Жәнібек Әлімханұлына Джонатан Хэнсон (Ямайка) – Солтон Мигитинов (Әзірбайжан) жұбының жеңімпазы қарсылас атанады. Күндізгі көрсетілім - 13:50-де, ал кешкі көрсетілім - 19:00-де (Астана уақыты) басталады. Жекпе-жектің толық нұсқасын «KAZsport» тікелей эфирде көрсетеді. Сонымен қатар, телеарна 12:20-да Әлем чемпионатындағы үздік жекпе-жектерге шолу жасайды. Сонымен қатар, твиттерде @KAZsport парақшасынан мәлімет алуға болады.