Илья Ильин философия ғылымынң PhD докторы атанды

Кеше Илья Ильин Қазақтың спорт және туризм академиясында «Жоғары кәсіби ауыр атлеттерді даярлаудың ғылыми-әдістемелік негіздемесі» атты тақырыбындағы докторлық диссертациясын қорғады. Илья Ильиннің ғылыми кеңесшісі, педагогика ғылымдарының докторы, ҚазСТА-ның профессоры, Халықаралық ақпараттандыру академиясының академигі Станислав Хаустов. Ал, шетелдік кеңесшісі «Васил Левски» (Болгария) Ұлттық спорт академиясының профессоры Колев Николай Недков диссертациялық жұмыстың маңыздылығын, жаңашылдығын жоғары бағалай келе, оның жоғары практикалық өзектілігін де атап өтті. Кеңестің шешімі бойынша Илья Ильинге философия PhD докторы ғылыми атағы берілді. Айта кетейік, Илья Ильин білім алу жылдарында 13 ғылыми еңбегін жариялаған, соның бірі Scopus мәліметтер базасына, төрт мақала Бақылау комитетінің журналына, бір жұмысы - ауыр атлетикадан оқулыққа енгізілген.