Ертең Тайландтың Пхукет қаласында ауыр атлетикадан Азия чемпионаты басталады

Қыркүйектің 3-12 аралығында өтетін ауыр атлетикадан Азия чемпионатына Қазақстан Ұлттық құрамасы 10 атлетпен аттанды. Қазақстаннан бөлек, азияның үздік елдері Қытай, ҚХДР, Корея, Иран және БАӘ секілді елдері қатысуда. Чемпионат мына салмақ дәрежелерінде өтеді: Ерлер: 56, 62, 69, 77, 85, 94, 105 және 105 келіден жоғары. Әйелдер: 48, 53, 58, 63, 69, 75 және 75 келіден жоғары. Қазақстан Ұлттық құрамасының мүшелері: Ерлер: Александр Ким (69 кг); Айдар Қазов (77 кг); Батыр Асраров (77 кг); Ермек Өміртай (85 кг); Семён Линдер (85 кг); Рүстем Сыбай (94 кг); Әйелдер: Әсем Садықова (58 кг); Сәуле Сәдуақасова (58 кг); Фаина Сиванбаева (63 кг); Майра Файзуллаева (69 кг).