Азия Гран-приі. Жарыстың бірінші күні қазақстандық спортшылар 4 медаль иеленді

Таиландта жеңіл атлетика бойынша Азия Гран-приінің алғашқы жарыс күні аяқталды. Сайыстың бірінші күні қазақстандық спортшылар төрт жүлде иеленді. Юлия Рахманова 400 метр, ал Виктория Зябкина жүз метр қашықтыққа жүгіруден алтын жүлде иеленді. Сонымен қатар, Анастасия Пилипенко кедергілер арқылы 100 метр қашықтықты 13,25 секундта жүгіріп өтіп, чемпион атанды. Осыған қоса, Ирина Эктовада үш қарғып секіруде - «қола» жеңіп алды.