Ольга Рыпакова «Гаухар лигасында» жүлделі орынға іліге алмады

Бельгияның астансы Брюссельде жеңіл атлетикалық «Гауһар лигасы» сериясының финалдық кезеңі өтті. Үш қарғып секіруден Олимпиада чемпионы Ольга Рыпакова қатысқан болатын. Өзінің ең үздік нәтижесінде Ольга Рыпакова 14,04 метрге секірді. Осылайша ол тек жетінші орынға тұрақтады. Ал 14,98 метрге секірген колумбиялық Ктерин Ибаргуэн Брюссельде өткен кезеңнің және барлық «Гауһар лигасының» жеңімпазы атанды. Украиналық Ольга Саладуха 14,53 метрге секіріп, екінші орынға тұрақтады. Ал ресейлік Екатерина Конева (14,4 метр) үшінші болды. «Гаухар лигасының» жалпы есебі: 1. Катерин Ибаргуэн (Колумбия) — 28 ұпай 2. Екатерина Конева (Ресей) — 8 ұпай 3. Ольга Саладуха (Украина) — 6 ұпай 5. Ольга Рыпакова (Қазақстан) — 2 ұпай.