Майя Манеза елімізде өтетін ауыр атлетикадан Әлем чемпионатына қатысады

Олимпиада чемпионы Майя Манеза елімізде өтетін ауыр атлетикадан Әлем чемпионатына қатысады. Бұл туралы спортшының жұбайы, қазақстандық ауыр атлет Вячеслав Ершов мәлімдеді, деп хабарлайды BNews.kz. Оның айтуынша, спортшылар ірі Әлем біріншіліктерінде сынға түсуіне қызу дайындалуда. Ершовтың өзі Кореядағы Азия ойындарына қатыспақ. Ал, 2012 жылғы Олимпиада ойындарының чемпионы Майя Манеза Кореяның Инчхон қаласындағы ойындарға бармайды. Ол биыл Алматыда өтетін ауыр атлетикадан Әлем чемпионатына дайындалуда. Кәсіби спортшылардың отбасы Текеліде жаттығуда.