Ауыр атлетикадан Әлем чемпионатының ресми логотипі бекітілді

8-16 қараша күндері Алматыда өтетін ауыр атлетикадан Әлем чемпионатының ресми логотипі бекітілді. Логотипті дайындау кезінде Халықаралық ауыр атлетика федерациясының талаптары ескерілді. Сонымен қатар, еліміздің ұлттық ерекшеліктері де бейнеленген. Онда зілтемірді серпе көтіріп жатқан спортшының силуэті мен Халықаралық ауыр атлетика федерациясының ұсынған жазулар бар. IWF — Халықаралық ауыр атлетика федерациясы. WorldChampionships — Әлем чемпионаты. Almaty 2014 — Әлем чемпионатының өтетін жері мен уақыты. Ал логотип алтын түсті элементі бар көк-сары түспен боялған. Бұл еліміздің көк байрағын бейнелейді.