Линдер мен Әбубәкіров Азияны бағындырды

Таиландта ауыр атлетикадан 17 және 20 жасқа дейінгі жасөспірімдер арасында Азия чемпионаты аяқталуға жақын. Қазақстан құрамасы сапында сынға түскен 18 жастағы Альберт Линдер 69 келіге дейінгі салмақ дәрежесінде топ жарды. Ол қоссайыс нәтижесі бойынша 298 (132+166) келіні еңсерген болатын. Ал 62 келіде Әділбек Балқаев екі жаттығу қортындысы бойынша 269 келіні (122+147) көтеріп, өз салмағында төртінші орыннан көрінді. Айта кетейік, бұған дейін 17 жасқа дейінгі жасөспірімдер арасында 94 келіден жоғары салмақ дәрежесінде ел намысын қорғаған Селімхан Әбубәкіров қоссайыс нәтижесі ойынша 350 келі (160+190) көтеріп, Азия чемпионатының алтын жүлдесін жеңіп алды. 69 келіде сынға түскен зілтемірші Михаил Макеев күміс медальді еншілесе, 56 келіде Тимур Хасаров 7-ші орынға тұрақтады, деп хабарлайды confederation.kz.