Қазақстандық ауыр атлеттің допинг қолданғаны анықталды

Қазанда өткен Универсиадада жеңіске жеткен ауыр атлет Фархад Харкидің қан құрамынан допинг анықталды. Бұл туралы Vesti.kz хабарлайды. Оның есімі 2013 жылы допинг-бақылаудан өтпей қалған спортшылар тізіміне қосылды. Универсиададан кейінгі 8 шілдеде жасалған тексерістен соң, оның қанының құрамында анаболикалық метенолон стероиді бары анықталған. Бұл салмақ өлшеу кезеңінде спортшыға салмақты бірқалыпты сақтап тұруға мүмкіндік береді. Қазақстан Ауыр атлетика федерациясы бір жыл ішінде бірден 9 ауыр атлеттен допинг табылғаны үшін 500 мың АҚШ доллары көлемінде айыппұл төлейтін болады.