Ауыр атлетика федерациясына жаңа басшы келді

Ауыр атлетика федерациясына жаңа басшы келді.  Федерациясының кезектен тыс конференциясында  Қайрат Тұрлыхановтың орнына  Жанат Түсіпбеков тағайындалды.

Түсіпбеков Жанат Рашидұлы 1977 жылы 6 наурызда Қарағанды қаласында дүниеге келген. 1998 жылы Е.Бөкетов атындағы Қарағанды мемлекеттік университетінің заң факультетін, 2007 жылы Л.Гумилев атындағы ЕҰУ экономика факультетін тәмамдаған.

Бірнеше жыл бойы ол «ҚазМұнайГаз» Сауда үйі» АҚ атқарушы дирекоры, бас директордың орынбасары, «ҚазМұнайГаз Өнімдері» АҚ және «ҚазМұнайГаз - қайта өңдеу және маркетинг» АҚ бас директоры қызметтерін атқарды.

Сонымен бірге Ж.Түсіпбеков 2009 жылдан бері Қарағанды облыстық бокс федерациясын басқарып келеді. Қазіргі уақытта ол «The Rompetrol Group»-тың бас директоры.