Алматы облысының самбошылары ҚР чемпионатында үздік деп танылды

26-29 ақпан күндері Талдықорған қаласында самбо күресінен 1998-1999 ж.т. жасөспірімдер арасында Қазақстан Республикасының чемпионаты өтті. Жарыста Алматы облысының спортшылары жоғары шеберлік үлгісін көрсетіп, нәтижелі орындарға ие болды. 56 келі салмақта Тоқтар Үміталиев және 87 келі салмақта Бахтияр Ибрагимов Қазақстан Республикасының чемпионы атанды. Сонымен қатар, 70 келі салмақта Аңсарбек Ғайнуллин мен 60 келі салмақта Әділбек Сейсов күміс жүлдегер атанса, Армат Қабдолов 52 келі салмақта қола жүлдені қанжығасына байлады. Ал, қыздар арасында 70 келі салмақта Әсем Телекова күміс жүлде иеленді. www.inform.kz