Еркін күрестен жастар арасындағы Әлем чемпионатында жерлестеріміз екі қола медаль жеңіп алды

Қазақстандық еркін күресші спортшылар Бразилияның Сальвадоре-де-Байя қаласында өткен жастар арасындағы Әлем чемпионатынан медальмен оралды. Алғашқы қола медальді 96 келідегі палуан Бақдәулет Әлментай жеңіп алды. Ол үшінші орын үшін өткен бәсекеде финляндиялық палуан Хейно Тапониді 7:4 есебімен ұтқан. Жарыс жолында Бақдәулет жапониялық қарсыласын уақытынан бұрын жеңсе, жартылай финалда әзірбайжандық спортшыдан жеңіліп қалған. Екінші қола медальді 84 келідегі Илисхан Чилаев жарыстың соңғы күні жеңіп алды. Илисхан Чилаев бірінші кездесуінде үндістандық палуанды уақытынан бұрын жеңсе, қола медаль үшін өткен күресте польшалық қарсыласын 5:2 есебімен жеңген.