Қазақстандық палуандар Азия чемпионатының алғашқы күні 5 медаль жеңіп алды

Нейпьидода (Мьянма) жасөспірімдер арасында еркін, грек-рим және әйелдер күресінен Азия чемпионаты басталды. Қазақстандық палуандар чемпионаттың алғашқы күні 5 медаль ұтып алды. 55 келі салмақ дәрежесінде Дастан Зарлыханов пен 84 келіде Хусейн Муцольгов Азия чемпионы атанды. Тамерлан Шадукаев (74 кг) Азия чемпионатының күміс жүлдесін иеленді. Ал, Рахман Шахарбек (66 кг) пен Царкис Пшеничников (96 кг) қоланы қанағат тұтты.