Қазақстанда алғаш рет Хабиб Нурмагомедовтың қатысуымен шеберлік сағаттары өтеді

Қазақстанның Астана және Алматы қалаларында алғаш рет UFC-дің атақты палуаны, самбодан Әлем чемпионы ресейлік Хабиб Нурмагомедовтың қатысуымен шеберлік сыныптары өтеді. ММА жұлдызының семинарлары 5 маусым күні Астана қаласындағы «Еуразиялық» спорт кешенінде (Ы.Дүкенұлы,18) сағат 18:00-де өтеді. Ал, Алматы қаласында 6 маусымда жоғары спорт шеберлігінің арнайы мектебінде (Ақсай-1 шағын ауданы, 10 үй) сағат 11:00-де болады. Сонымен қатар, «KAZsport» телеарнасы мен Қазақстанның ММА федерациясының ұйымдастыруымен Хабиб Нурмагомедовпен баспасөз мәслихаты 5 маусымда сағат 12:00-де өтеді.