Алматыда самбодан Әлем Кубогының кезеңі өтеді

Алматы қаласында 24-25 қаңтарда ерлер мен әйелдер арасындағы спорттық және әскери самбодан Қазақстан Республикасының Президенті Н.Назарбаев жүлдесі үшін Әлем Кубогының кезеңі өтеді. Балуан Шолақ атындағы спорт және мәдениет сарайында өтетін турнирге 24 елдің самбошылары қатысады. Жарысқа қазақстандық самбошылармен қоса 400-ге жуық спортшы сынға түседі. Алматы қаласы 2014 жылы да әлем Кубогының кезеңін қабылдаған. Ол жарысқа 18 елден 350 спортшы қатысқан. Сонымен қатар, халықаралық олимпиадалық комитет (ХОК) халықаралық самбо федерациясының (FIAS) самбоның Олимпиада ойындарының бағдарламасына қосу туралы өтініш кітабын қабылдаған. Әлем Кубогының кезеңін «KAZsport» телеарнасынан көре аласыздар. Яғни, 22 қаңтарда Әлем Кубогының алғашқы күніндегі іріктеу жекпе-жектері «KAZsport» телеарнасында сағат 22:00-де, ал финалдық жекпе-жектер сағат 00:30-да көрсетіледі. 23 қаңтарда «KAZsport» телеарнасында екінші күннің іріктеу кезеңіндегі жекпе-жектер 21:40-та, ал финалдық жекпе-жектер 00:25-те көрсетіледі.