Атырауда грек-рим күресінен Мырзабек Атбаевты еске алуға арналған турнир өтеді

8-9 қараша күндері Атырауда Азия чемпионатының күміс жүлдегері Мырзабек Атбаевты еске алуға арналған грек-рим күресінен халықаралық турнир өтеді.

1998-2000 жылы туған жасөспірімдер қатысатын жарысқа 18 команда келді. Олардың ішінде Қазақстан, Ресей, Өзбекстан, Түркіменстан, Қырғыз Республикасының спортшылары бар.

Турнирді Атырау облыстық күрес федерациясы ұйымдастырып отыр.

Әр салмақта І орын үшін 100 000 теңге, күміс жүлдегерге 75 000 теңге, ал ІІІ орын иеленгендерге 50 000 теңгеден үйлестіріледі, деп хабарлайды Kazakhstan Wrestling Online.