Нұрмахан жүлдеден алыс қалды

Ташкенттегі күрес түрлерінен Әлем чемпионатының кезекті жарыс күні біз үшін жеңіліспен аяқталды (8-14 қыркүйек). Бұл жолы Әлем чемпионатының үш дүркін қола жүлдегері Нұрмахан Тінәлиев (130 келі) медальсіз қалды. Ұлттық құрама үздігі алғашқы кездесуінде үндістандық Дхармандер Далалды (6:0) жеңген. Бірақ келесі кезеңде ирандық Бехрам Мехдизадехтен (0:1) ұтылып қалды. Ал Айбек Еңсеханов (66 келі) пен Азамат Күстібаев (80 келі) бірінші белдесуде-ақ жеңіліс тапты. Еңсеханов болгариялық Константин Стастан (3:5) ұтылса, Күстібаев Иран елінің палуаны Хабиболла Ахлагиге (2:3) есе жіберді, деп хабарлайды сonfederation.kz