Дзюдошы Имашев пен Төренов әлемдік рейтингте көтерілді

25-31 тамыз аралығында өткен Челябинсктегі дзюдодан Әлем чемпионатында 5-ші орын алған Айбек Имашев пен Ертуған Төренов әлемдік рейтингте бірнеше сатыға көтерілді. 60 келіге дейінгі салмақта күресетін Айбек Имашев 27 орынға көтеріліп, Асхат Тельмановтан озды. Енді одан бұл салмақта Қазақстан құрамасынан тек Елдос Сметов (9-шы орын) қана жоғары тұр. Ертуған Төренов (73 келіге дейін) әлемнің үздік отыз дзюдошысы қатарына кіріп, 30-шы орында тұрақтады. Қазақстан құрамасының көшбасшысы Максим Раков бірінші айналымдағы жеңілісіне қарамастан, әлемдік рейтингте 7-ші орынын сақтап қалды. Бұл –п қазақстандық дзюдошылар арасындағы ең жоғарғы орын.