Күрестен Әлем чемпионатына баратын палуандардың тізімі анықталды

Қыркүйектің 8-13 аралығында Өзбекстан астанасы Ташкент қаласында күрес түрлерінен Әлем чемпионаты өтеді. Бұл жаңа салмақта чемпиондар мен жүлдегерлер анықталатын алғашқы біріншілік деп хабарлайды confederation.kz. Былтырғы әлемдік дода қазақ палуандары үшін аса сәтті бола қойған жоқ. Нұрмахан Тінәлиев пен Екатерина Ларионова қола медальмен ғана оралған еді. Грек-рим күресінен Қазақстан Ұлттық құрамасы: Ербол Қоңыратов (59 келі), Айбек Еңсеханов (66 келі), Демеу Жадыраев (71 келі), Рашид Кочиев (75 келі), Даниял Гаджиев (80 келі), Андрей Самохин (86 келі), Жанарбек Қабдолов (98 келі), Нұрмахан Тінәлиев (130 келі). Әйелдер күресінен Қазақстан Ұлттық құрамасы: Зүлфия Яхьярова (48 келі), Жұлдыз Ешімова (53 келі), Мерует Дынбаева (55 келі), Айжан Ысмағұлова (58 келі), Джулия Сатымбекова (60 келі), Ольга Калинина (63 келі), Эльмира Сыздықова (69 келі), Гүлмарал Еркебаева (75 келі). Еркін күрестен Қазақстан Ұлттық құрамасы: Шоқан Шыңғысов (57 келі), Артас Сана (61 келі), Саятбек Оқасов (65 келі), Ақжүрек Таңатаров (70 келі), Жігер Зәкіров (74 келі), Аслан Кахидзе (86 келі), Әлихан Жұмаев (97 келі), Ержан Дүйсенбеков (125 келі).