Бас бапкерлер ауысты

Жасөспірімдер арасындағы Азия чемпионатының алдында күрес түрлерінен ұлттық құрама бапкерлері ауысты, деп хабарлайды confederation.kz. Бүгінге дейін ұлттық құраманың аға жаттықтырушысы қызметін атқарған Боранбек Қоңыратов енді грек-рим күресінен жастар құрамасында бас бапкер. Осыған дейін «классиктерді» Нұрым Дүйсенов баптаған еді. Қыздар құрамасының басшылығында да өзгеріс бар. Бұдан былай бас бапкер қызметін Саржан Жақсыбеков емес, Қайрат Сағадиев атқарады. Ал бүгінге дейін кадет қыздардың аға жаттықтырушысы болған Сағадиевтің орнын Әділек Ермақов басты. Грек-рим күресінен кадеттер құрамасынан Серік Жұмашев (суретте) кетіп, орнына Евгений Сорокин келді.