Грек-рим күресі. Қазақстан Кубогы мәресіне жетті

Семейде Қазақстанға еңбегі сіңген жаттықтырушы Болат Тұрлыханов мемориалы: грек-рим күресінен Қазақстан Республикасының Кубогы жолындағы бәсекелер аяқталды.

Cоңғы күні үш салмақта жеңімпаз анықталды. Ал 60 келіде соншалықты тартысты белдесулер болған жоқ. Қарсыластарының барлығын ұтқан Бағлан Жақанша Кубок иегері атанды. 74 келіде бұл күні Досжан Қартықовқа қарсы тұрар ешкім болмады. Шешуші белдесуге дейін қарсыластарын бәрін жеңіп, финалда санаулы минуттар ғана белдесіп, Медеу Жадыраевты таза ұтты. 96 келіде Жасұлан Садықов топ жарды. Ақтық сында ол байырғы қарсыласы Жанарбек Қабдоловтан басым түсті.