Астанада шахматтан «Astana Open 2016» фестивалі басталды

Шахмат фестиваліне Қазақстанның түкпір-түкпірі мен жақын шет елдерден келген 250-ге жуық шахматшы қатысады. «Astana Open 2016» шараcын Қазақстан шахмат федерациясы және қала әкімдігінің қолдауымен Астана қаласы Шахмат федерациясы және «Гамбит» шахмат мектебі ұйымдастырды. Сайыстың басты мақсаты – еліміздің балалар және жасөспірімдер құрамасын әлемдік біріншіліктерге даярлау. Фестивальға халықаралық деңгейдегі гроссмейстерлер, жасөспірімдер арасында өткен әлемдік біріншілік шеберлері, чемпиондар мен жүлдегерлер қатысады. Фестиваль бағдарламасына сәйкес, балалар мен жасөспірімдер арасында түрлі форматтағы бес турнир өткізіледі, деп хабарлайды Астана қаласының әкімдігі. Бұл фестиваль 20 шілде – Халықаралық шахмат күні мен 27 шілде аралығында М.Өтемісов атындағы оқушылар сарайында өтеді.