2017 жылғы қысқы Универсиадаға 64 елдің өкілдері қатысады

2017 жылғы Универсиаданың www.almaty2017.com сайтында жүргізілген аккредитацияның бірінші кезеңінің қорытындысы бойынша, 64 елдің студенттік спорт федерациялары ресми өтініштерін жіберген. Қатысушы мемлекеттер (FISU классификаторы бойынша): Еуропа: Германия, Швейцария, Норвегия, Ұлыбритания, Франция, Латвия, Польша, Ресей, Словакия, Италия, Швеция, Грузия, Австрия, Венгрия, Финляндия, Чехия, Түркия, Украина, Испания, Словения, Беларусь, Хорватия, Эстония, Румыния, Македония, Босния және Герцеговина, Болгария, Әзірбайжан, Сербия, Литва, Армения, Нидерланды, Бельгия, Португалия, Израиль, Черногория. Америка: АҚШ, Канада, Бразилия, Аргентина, Чили. Азия: Жапония, Қытай, Қазақстан, Корея Республикасы, Монғолия, Ауғанстан, Қытай Тайпэйі, Түркменстан, Тайланд, Қырғызстан, Ливан, Гонконг (Қытай), Тәжікстан, БАӘ, Пәкістан, Иран, Непал. Африка: Оңтүстік-Африка Республикасы, Уганда, Мадагаскар, Гамбия. Мұхит: Австралия, Жаңа Зеландия. Айта кетейік, 2007 жылы Италияның Турин қаласында өткен қысқы Универсиадаға 48 ел қатысқан. Ал, 2011 жылы Түркияның Эрзурум қаласында өткен ойындарда – 52 ел, Трентино (Италия) – 50 ел, Гранада, Штрбске-Плесо (Испания, Словакия) – 42 ел қатысты.