Алматыда 2017 жылы өтетін Қысқы Универсиадаға ҚР Ұлттық құрамасына үміткер 309 спортшы дайындалуда

Бұл туралы бүгін ҚР биатлоншылары Одағының вице-президенті, Олимпиада ойындарының күміс жүлдегері Елена Хрусталёва мәлім етті. «Соңғы Студенттік ойындар нәтижесі бойынша қазіргі таңда көш басында Норвегия, Жапония, Қытай және Ресей құрамалары келеді. Біздің құрама команда соңғы Универсиада ойынында жалпы командалық есепте үшінші орынға ие болды. Қазір, 2017 жылғы Универсиадаға ҚР Ұлттық құрамасына үміткер 309 спортшы дайындалуда. Олардың ішінде - 111 спортшы Алматы қаласының атынан сынға түседі», - деді Е.Хрусталёва Айта кетелік, қысқы Универсиада ойындары 2017 жылы 29 қаңтар мен 8 ақпан аралығында өтеді. Сегіз нысанда спорттың 12 түрінен жарыстар болады.