Индонезияда байдарка мен каноэдан өтіп жатқан Азия чемпионатында Алексей Дергунов Олимпиада жолдамасын жеңіп алды

1000 метр қашықтықта Алексей екі адамдық қайықта ескек есуден жеңімпаз атанып, Рио-де-Жанейро Олимпиадасына жолдама жеңіп алды. Бұл А.Дергуновтың екінші Олимпиадасы болмақ. Ол 2012 жылы Лондон Олимпиадасында қатысқан. Еске сала кетейік, осыған дейін тағы бір батысқазақстандық ескекші Андрей Ергучев Италияның Милан қаласында өткен Әлем чемпионатында қазақстандық төрттік құрамында мың метрлік қашықтықта Олимпиада жолдамасын еншілеген еді.