Түркияда таэквондодан әлемдік Гран-при сериясының екінші кезеңі басталды

18 қыркүйекте Түркияда әлемдік Гран-при сериясының екінші кезеңі басталды. Самсун қаласы екі күн бойы Олимпиада мен Әлем чемпионатынан кейінгі ең беделді жарысты қабылдайды, деп жазады ҚазАқпарат. G4 деңгейіндегі байрақты додада ел намысын таэквондодан Қазақстан ұлттық құрамасының соңғы жылдардағы көшбасшысына айналған 2014 жылғы үздік қазақ таэквондошысы атанған Нұрсұлтан Мамай қорғайды. Нұрсұлтан Мамай Рио-2016 ойындарына қатысуға бірден-бір үміткер. Олимпиада лицензиялары бұл кез-келген Федерация мен кәсіпқой спортшының басты мақсаты екені айдан анық.