2018 жылғы Қысқы Олимпиада ойындарында шахматтан жарыстар өтеді

2018 жылы Оңтүстік Кореяның Пхенчхан қаласында Қысқы Олимпиада ойындары өтеді. Ойындар бағдарламасына алғаш рет шахмат қосылды. «Біз Пхенчхандағы Олимпиада ойындарын ұйымдастыру комитетінің басшысы Мун Сун Чемен келіссіөздер жүргіздік. Кездесу қорытындысы бойынша шахмат ойыны Олимпиадада көрнекі спорт түрі ретінде өтеді. Жарыстар командалық және жекелей сында ұйымдастырылады деп жоспарланған», деді ФИДЕ (Халықаралық шахмат федерациясы) басшысы Кирсан Илюмжинов. Оның сөзінше 2015 жылдың қыркүйек айында ФИДЕ-нің Бас ассамблеясында Олимпиадаға қанша команда қатысатыны шешіледі. Айта кетейік, маусым айының басында 2018 жылғы Қысқы Олимпиада ойындарының бағдарламасына сноубордтағы биг-эйр, конькимен жүгіру спортындағы масс-стар, керлингтегі дабл-микст пен тау шаңғы спортындағы командалық жарыстар қосылғаны туралы айтылған.