Денис Тен Төрт құрлық чемпионатында жеңіске жетті

Сочи Олимпиадасының қола жүлдегері қазақстандық Денис Тен Сеулде (Оңтүстік Корея) өтіп жатқан Төрт құрлық чемпионатында ерлер арасындағы жарыста алтын медаль иеленді. Қысқа және еркін бағдарлама қорытындысы бойынша Денис Тен 289,46 ұпай жинады. Екінші орынды 260,01 ұпай жинаған Джошуа Фаррис (АҚШ) иеленсе, қытайлық Янь Хань (259,47) қола жүлде алды. Америка, Азия, Африка мен Океания елдерінің спортшылары қатысып жатқан Төрт құрлық чемпионаты 15 ақпанға дейін жалғасады. Жарыстың толық нұсқасын «KAZsport» телеарнасын тікелей эфирде көре аласыздар.