Ақтөбеде таеквондодан халықаралық чемпионат өтеді

Ақтөбеде 21-23 наурыз күндері «Наурыз Мейрамы» атты таеквондодан халықаралық чемпионат өтеді. Сайысқа қазақстандық спортшылармен қатар бірнеше шет елдерден келген таеквондошылар да қатысады деп күтілуде. Ұйымдастырушылардың айтуынша, сайыстың басты мақсаты салауатты өмір салтын насихаттау және жастарды спортпен шұғылдануға тарту. Сайыс жеңімпаздары құнды сыйлықтармен марапатталады.